Сайт писателя-сатирика Инсура Мусанифа

Инсур Мусанниф

Официальный сайт писателя-сатирика

Стихи для детей на татарском языке

Дата написания:
16.12.2017

Инсур Мөсәнниф
Яңа ел

Яңа ел, Яңа ел,
Яңа ел килә,
Кыш бабай, Карсылу
Пар атта җилә.

Шат аңа балалар:
“Кил тизрәк, – диләр, –
Кыш бабай, китер син
Тик матур көннәр”.

Бүлмә дә бизәлгән,
Уртада – чыршы,
Кунакка килгән бит –
Ул шундый купшы!

Дата написания:
23.06.2003

Инсур Мөсәнниф
Тишек кораб

Дата написания:
13.03.2009

Инсур Мөсәнниф
Тамчы хәбәре

«Яз килде!» — дип хәбәр итеп,
Тамчы тама «тып» та «тып».
Ага юлдан гөрләвекләр
Кемузардан ярышып.

Тамчы тама «тып-тып» итеп,
Тама бозларны тишеп.
Гөл-чәчәкләр үссен, диеп,
Утырмасын, дип, өшеп.

Дата написания:
03.12.1996

Инсур Мөсәнниф
Тәрҗемәче кирәк

Әни безгә алып кайтты
Нәни мәче баласы.
Yзе йомшак, үзе ап-ак —
Булсачы бер карасы.

Әллә кайчан - иртә торган,
Сеңлемә: "Мияу?" — дигән.
Сөт бирәбез, тик ул эчми,
Соң, нинди сорау биргән?

Дата написания:
16.06.1994

Инсур Мөсәнниф
Мәҗит белән гәзит
Г. Тукайга ияреп

Безнең Мәҗит бигрәк тә дус гәзит белән.
Менә Мәҗит карап тора кәлиткәдән.

hәр гәзитне көтеп ала — бик ярата:
Yзе укый, мәктәптә дә күп тарата.

Дуслар алар хат ташучы Вәзит белән,
Чөнки аның эше бәйле гәзит белән.

Дата написания:
12.01.1999

Инсур Мөсәнниф
Каен кызын җәлләгән

Энем, "Каен кызлары" дип,
Җырлаганны ишеткән.
Ә тыш — салкын, җил ыжгыра,
Каенкайлар күшеккән.

"Кызлар өши алар", — диеп,
Әй, каенны җәлләгән.
Дәү әнидән яулык алып,
Иңнәренә бәйләгән.
12.01.1999.

Дата написания:
10.02.1997

Инсур Мөсәнниф
Борынына чирттем

Барысы да: "Сак бул, улым, — диләр, —
Шәhәрдә грипп йөри", — диләр.
Кечесе дә, хәтта өлкәннәр дә
Ник аңардан бик шөрлиләр?

Дата написания:
25.12.1996

Инсур Мөсәнниф
Герле сәгать, серле сәгать

Герле сәгать бар безнең,
Ялтлап тора телләре.
Гер асылган бик матур
Чылбыры да бар әле.

И кызыгам чылбырга,
Тик тияргә ярамый.
Әти бора колакны
Тотсаң аны сорамый.

Дата написания:
09.11.2013

Инсур Мөсәнниф
Бияләй

Суыклар безне куркытмый,
Кулда — җылы бияләй.
Өшемәсен диеп, улым,
Бәйләгән аны нәнәй*.

Минем бияләй йоннан,
Сарык биргән туныннан.
Язын эссе, тирләмәскә
Тун кирәк кыска йоннан.

Дата написания:
04.12.1996

Инсур Мөсәнниф
Урман ни сөйли?

Урманчы минем дәү әти,
Өйрәнгән урман серен.
Дәү әтием белән мин дә
Серле урманда йөрим.

Урман җилдә шаулап тора, —
Сөйлидер ни хакында?
Урманны тыңлап барабыз
Дәү әтинең атында.

Дата написания:
04.12.1996

Инсур Мөсәнниф
Чыпчык

Тәрәзәгә бер кош килгән,
Чиртә дә чиртә: "Чык-чык".
Дәү әнием әйтә миңа:
«Сине чакыра чыпчык».

Чыпчык? Чыпчык? Нигә алай? —
«Чыкчык» дисең бит үзең.
Өлкәннәр ялгыш кушкандыр,
Ишетеп бетерми сүзең.

Дата написания:
29.12.1995

Инсур Мөсәнниф
Кояш белән тау шуабыз

Җирдә — кыш, күктә — кояш!
Җиргә ак кар түгелә.
Җиргә төшкән карлар инде
Тау-тау булып өелә.

Зәңгәр күктә дә сөзәк
Ап-ак тау — болыт йөзә.
Шатлана кояш, көлә, —
Болытка ятып җилә.

Дата написания:
04.12.1996

Инсур Мөсәнниф
Кыш бабай

Дата написания:
03.12.1996

Инсур Мөсәнниф
Әйтер идем... (Походта)

Урманга сәфәр чыктык без
Сыйныфташларым белән.
Карурманның Шүрәлесе
Хакында күптән беләм.

Тукай абый шигырендә –
Шүрәле дә, Былтыр да.
Шүрәле кытыклар диеп,
Куркып кына утырма!

Дата написания:
09.11.2013

Инсур Мөсәнниф
Чәчәк белән Гөлчәчәк

Җәй кояшы тәрәзәгә
Нурлары белән чиртә:
«Йоклап ятмагыз, чыгыгыз,
Түгел, – ди, – түгел иртә!»

Шулай дәшкәч Кояш апа,
Йөгереп чыкты Гөлчәчәк.
Түтәлләргә күз камаша, –
Гөл чәчәк тә, ал чәчәк!