Сайт писателя-сатирика Инсура Мусанифа

Инсур Мусанниф

Официальный сайт писателя-сатирика

Кеше күңеле - пыяла

Дата написания: 
23 мая 2016

Инсур Мөсәнниф
Кеше күңеле – пыяла

Кеше күңеле – пыяла,
Саксыз кагылсаң, уала.
Халык мәкале.

Зирәк картлар белми әйтмәгәндер:
«Кеше күңелкәе – пыяладыр…»,
Ә пыяла, ай-һай, нәфис нәрсә –
Сак булмасаң әгәр, уаладыр.
Гүрдә ята күпме ватык күңел,
Рәнҗеткәнме тормыш, кешеләрме…
Зур юлда максатын югалтканмы…
Күңеле салкыннан өшегәнме…
Әмма шундый китек күңелләр бар:
Бөтен булмаса да «пыяласы»,
Аякка басарга гайрәт тапкан,
Һәм турайта алган «манара»сын.
Башын иеп БӨЕК РУХИ КӨЧКӘ,
Кешеләр аларга табынадыр.
Чөнки бер пыяла кисәгендә
Тоташ кояш үзе чагыладыр!
20-23.05.2016.

Добавить комментарий